Alt klart for folkefest i Bykle 17. mai!

17. mai-feiringa i år blir i Bykle kyrkjebygd. Bykle kommune

Det går buss frå Hovden rutebilstasjon til Bykle samfunnshus klokka 10.15. Ved samfunnshuset er det oppstilling til 17. mai-tog klokka 11, med avgang eit kvarter seinare. 

Leikar og mat

Aktivitetar og leikar i skulegarden og ikkje minst matsalet inne i samfunnshuset tar til klokka 11.45. Frå klokka 14.00 går kulturprogrammet i kultursalen med talar, underhaldning og prisutdeling. Sille Kjøstvedt held ungdomens tale, medan Ollie Rysstad tar seg av 17. mai-talen. Bussen opp att til Hovden via Bykle kyrkje går klokka 15.15. Klokka 15.30 er det gudsteneste i Bykle kyrkje, før bussen går frå kyrkja til Hovden rutebilstasjon klokka 16.30. Eit tettpakka og tradisjonelt program for feiringa i Bykle altså, med noko for dei fleste!