Alle i Midtregionen må koke drikkevatnet!
I samband med omlegging av ein vassleidning kan det ha kome forureina vatn i leidningsnettet som dekker abonnentar tilknytta kommunal vassleidning mellom Ørnefjellskrysset og Hoslemo. Alle aktuelle abonnentar i dette området må difor koke drikkevatnet inntil vidare.
Publisert av Ole Birger Lien
Publisert 26.08.2026 13:29
Sist endra 26.08.2026 13:29
Det er kokevarsel for drikkevatn i Midtregionen i Bykle kommune.
Ole Birger Lien
Analyseresultat viser høgt utslag av koliforme bakteriar. Bykle kommune har no sett i gang alle nødvendige tiltak og arbeider for fullt med å rette opp problemet. Tiltaka omfattar mellom anna kloring og utspyling.
Me oppdaterer situasjonen så snart som råd - kokevarselet gjeld til annan beskjed kjem.