Agder fylkeskommune vitja Bykle kommune

Bykle-ordførar Hans Blattmann orienterte delegasjonen frå Agder fylkeskommune om mogelegheiter og utfordringar i kommunen. Ole Birger Lien

Første del av samllinga tok Bykle-ordførar Hans Blattmann seg av, med ein presentasjon av ulike mogelegheiter og utfordringar i Bykle kommune. Med det regionale som bakteppe fortalde Blattmann om alt frå planarbeid til næringsliv til interesserte fylkespolitikarar.

Samarbeidsavtalen går ut

Fylkesordførar Arne Thomassen tok for seg litt av det som er felles utfordringar i regionen, og kom også innom samarbeids- og utviklingsavtalen mellom fylkeskommunen og kommunen. Avtalen går ut 31. desember i år, og til hausten startar fylkesadministrasjonen arbeidet med å utarbeide avtale for ein ny periode, i samarbeid med kommunen. I samband med det arbeidet skal også Bykle kommune kome med innspel kring nytta av og prosessen rundt utarbeidinga av avtalen. Vidare var eitt viktig tema kompetanse og utdanning - unge utanfor skule og arbeid - noko som er ei hjartesak både regionalt og lokalt.

Fylgjet frå Agder fylkeskommune lytta med interesse på det Bykle-ordføraren fortalde. Ole Birger Lien