Ledsagerbevis til kultur- og fritidsarrangement
Ledsagerbevis er ei ordning som gir personar med funksjonsnedsetjingar moglegheit til å ta med seg ein ledsager utan ekstra kostnad på offentlege kultur- og fritidsarrangement.
Kva er ledsagerbevis?
Personar med funksjonsnedsetjingar kan trenge bistand for å delta på kultur- og fritidsarrangement, transportmiddel og liknande. Ledsagarbevis er ei ordning som gjer det mogleg å ta med seg ein ledsagar utan ekstra kostnader der ordninga blir akseptert. Ordninga er landsdekkande og kan brukast over kommune- og fylkesgrensene.
Kven kan få ledsagerbevis?
Har du sosiale eller helsemessige behov som gjer at du må ha bistand for å delta på eit arrangement eller liknande, kan du søkje. Ordninga gjeld ikkje for mellombelse funksjonshemmingar. Du kan ikkje få ledsagarbevis ut frå økonomisk situasjon. Dersom du har fått innvilga ledsagarbevis og gyldigheita på ledsagarbeviset har gått ut, må du søkje på nytt og leggje ved nytt bilete med søknaden.
Kven kan vere ledsager?
Du bestemmer sjølv kven som skal vere ledsagar. Det treng ikkje vere ein fast støttekontakt, men kan like gjerne vere eit familiemedlem eller ein ven. Det kan også vere forskjellige personar frå arrangement til arrangement. Den som skal vere ledsagar må kunne gi den hjelpa som trengst for den som har ledsagerbeviset.
Krav til søkjar
Du treng ei legeerklæring frå fastlege eller spesialist på at du har behov for ein eller fleire ledsagarar for å kunne delta på aktivitetar i fritida. Uttalen skal ikkje vere eldre enn 6 månader. Varige nedsette funksjonsevner (minimum to års varigheit).
Send søknad (PDF, 320 kB), med uttale og passfoto av nyare dato, til: Bykle kommune, Sarvsvegen 14, 4754 Bykle
Informasjon om følgjebevis frå helsenorge.no