Lesevake

I år prøvde vi ut ein ny måte å gjennomføre lesevaka på. Dei eldste elevane las for dei minste. Etterpå hadde alle elevane mørkegøymsel inne på skulen. Då det var over, delte vi lag, slik at storskulen gjekk ut og hadde natursti. Dei minste lærte litt om Thorbjørn Egner, og såg filmen “Dyra i Hakkebakkeskogen”. 
Dei fleste kosa seg veldig, utstyrt med både kosebamsar, madrassar og pledd. Småskuleelevane blei henta heim kl. 21.

Storskulen heldt fram med natursti med postar merkte med refleks. Elevane gjekk på ski mens dei leita opp postane. Etter naturstien, fekk  dei servera pizza, som fleire av foreldra hadde laga. Det var stor stas, så tusen takk til alle dei som hjelpte til! Så var det tid for eigen lesing og roe seg ned for kvelden. Vi avslutta med at lærarane las høgt for elevane.  Alle sov då klokka blei 23.45.  Natta var roleg, og vi avslutta med ein solid frukost før ein ny skuledag starta. Takk for ei flott lesevake!